اشهى اكلات العيد

أصناف أخري
لو فيه ناس مش بتحب الأكل اللي فات دي شوية أصناف تانية ممكن تجربي وتعمليها في العيد وعلى فكرة الأصناف دي خفيفة جدا على المعدة وسهلة الهضم ومغذية ...

والأصناف دي زي..
الكبدة
أول صنف معانا النهارده هو الكبدة ودي لازم تعمليها بعد الذبح على طول وده علشان تستفيدي من القيمة الغذائية اللي بتحتويها وعلى فكرة الكبدة مفيدة جدا للناس اللي عندها فقر دم...
المقادير:
• كبدة الخروف.
• بصلة كبيرة.
• فصين توم.
• عصير ليمون.
• توابل وبهارات وملح.
• نصف فنجان زيت.
الطريقة :
قطعي البصلة قطع صغيرة وبعد كده ضيفي إليها التوابل والبهارات وعصير الليمون..

بعد كده قطعي الكبدة إلى شرائح وضيفيها للخليط السابق وقلبيهم وسيبيهم ساعة علشان الكبدة تبقى متتبّلة..

بعد كده حطيها في صينية على نار هادئة وضيفي إليها نصف فنجان الزيت وقطعي فصين التوم إلى قطع صغيرة وضيفيهم إليها..

سيبي الكبدة على النار لمدة نصف ساعة مع التقليب المستمر، وبعد ما تستوي الكبدة حطيها في الطبق ومعاها طبق سلطة خضراء وطبق رز أبيض أو مكرونة... وبالهنا والشفا
الكلاوي المحمرة
المقادير :
• كلاوي مقطعة شرائح.
• نصف ملعقة صغيرة حبهان مطحون.
• ربع ملعقة صغيرة شطة حمرا.
• 5 فصوص ثوم مقشرة ومهروسة.
• زيت أو سمن للتحمير.
• ملح وفلفل.
• أوراق بقدونس أو أوراق جرجير للتقديم.
الطريقة
تبلي شرائح الكلاوي المقطعة بالبهارات والحبهان والملح والشطة.
بعد كده هاتِ طاسة وحطي فيها زيت أو سمنة زي ما تحبي وضيفي إليها التوم وقلبي لغاية ما يحمر.
بعد كده ضيفي شرائح الكلاوي المقطعة وشوحيها على نار هادية لغاية ما تستوي.
حطيها في الطبق وزيني الطبق بأوراق البقدونس والجرجير وبالهنا والشفا.
لسان بالخضراوات
المكونات
• لسان.
• بهارات (ملح، فلفل، زعتر).
• فلفل رومي أحمر.
• بصلة كبيرة مقطعة شرائح.
• فصان حبهان.
• عود كرفس.
• بصلة.
• سمنة.
الطريقة
هاتِ اللسان ونظفيه كويس وبعد كده اسلقيه في إناء على النار وضيفي إليه عند السلق حبهان وبصلة وعود كرفس.
بعد ما تسلقي اللسان شيليه من مية السلق وقشري الجلد الخارجي منه وهو سخن.
بعد ما يبرد قطعيه شرائح بعد كده حمري البصلة في طاسة فيها شوية زيت أو سمن والفلفل الرومي وتشوح شرائح اللسان المقطعة حتى تنضج الخضراوات واللسان تماماً وتضاف البهارات والملح..

وبالهنا والشفا
__________________